करोना : खासगी बँकांनी घेतला 'हा' निर्णय

मुंबई : सरकारने लॉक डाऊनमधून बँकिंग सेवेला वगळलं आहे. मात्र खासगी बँकांनी ग्राहकांनी कर्मचाऱ्यांच्या सुरक्षेला प्राधान्य देत कामकाजाच्या वेळा कमी केल्या आहेत. आयसीआयसीआय बँक आणि एचडीएफसी बँक यांनी पुढील काही दिवस सकाळी १० ते दुपारी २ या वेळेतच सेवा सुरु ठेवण्याचा निर्णय घेतला आहे.

रुपयात ऐतिहासिक घसरण; पहिल्यांदाच ७६ च्या खाली

ग्राहकांनी बँकेत गर्दी करण्यापेक्षा डिजिटल बँकिंगचा वापर करावा, असे आवाहन बँकांकडून करण्यात येत आहे. सरकारने बँकिंग सेवेला लॉक डाऊनमधून वगळले आहे. मात्र सार्वजनिक वाहतूक व्यवस्था जवळपास ठप्प झाल्याने बँकांमध्ये काम करणाऱ्या कर्मचारी वर्गाला कार्यालयात पोहचणे अवघड बनले आहे. त्यातच करोनाचा प्रादुर्भाव रोखण्यासाठी आयसीआयसीआय बँक आणि एचडीएफसी बँक या दोन बँकांनी कामकाजाची वेळ कमी केली आहे. ३१ मार्चपर्यंत दोन्ही बँका सकाळी १० ते दुपारी २ या वेळेत काम करणार आहेत.